SIFNAd 5188 Peak NoFrost Интеграбилен замрзнувач со NoFrost и IceTower

Пст – слушајте внимателно: Вашиот Liebherr е толку тивок што мора да ги начулите ушите за да го чуете. Како го постигнуваме ова? Сите компоненти за ладење – компресори, вентили, вентилатори и испарувачи се оптимизирани и совршено компатибилни едни со други. Па така, во вашата кујна ќе го слушате само она што сакате.

Кога ќе ги отворите фиоките во вашиот Liebherr замрзнувач, не само што ќе бидете воодушевени од глетката на вашите намирници - туку и од привлечното осветлување: За сето тоа се грижат моќни, издржливи и еколошки LED диоди. Осветлувањето го прави прегледот на содржината уште полесен и во исто време е необичен дизајнерски елемент.

Дали сакате во исто време да штедите и енергија и пари? Liebherr знае дека сакате, затоа го вклучи режимот за заштеда на енергија. Кога го активирате EnergySaver, стандардната температура се зголемува за два степени. На вашиот Liebherr му треба уште помалку електрична енергија – а храната останува свежа.

Слободно пречекувајте гости затоа што и вашиот Liebherr е расположен за забава: Веднаш штом ќе вклучите PartyMode, фрижидерот подготвува ладни пијалаци и дополнителни коцки мраз. Во PartyMode се активираат функциите SuperCool и максимално производство на мраз. По 24 часа, Liebherr автоматски се враќа на вообичаениот режим.

Дали сакате да ја замрзнете вашата свежа храна така што ќе ги зачува витамините? Едноставно активирајте SuperFrost и замрзнувачот ќе го зголеми капацитетот на ладење. Ова ја одржува температурата константна кога ставате незамрзната храна во него. SuperFrost исто така заштедува енергија: Ако не ја деактивирате функцијата рачно, таа автоматски ќе се деактивира по 65 часа.

Осветлените екрани се магнет за децата – тоа го знае и Liebherr. Затоа, има опција за заклучување на екранот: Со неа се спречува ненамерно менување на поставките на вашиот фрижидер. Се разбира, постои можност за деактивирање на заклучувањето на екранот.

Знаете што се случува често? Ставате шише вино во замрзнувачот, за брзо да се олади – и го заборавате. Со BottleTimer ова никогаш повеќе нема да се случи: Со активирање на SuperFrost, се обезбедува дополнително брзо ладење. И штом шишето има идеална температура, Lieberr ќе ве потсети преку апликацијата да го извадите од замрзнувачот.

Алармот за вратата на Liebherr гарантира дека не користите непотребна енергија и не се расипува храната: ако вратата на ладилникот остане предолго време отворена, се активира аларм – пулсирачко светло и предупредувачки тон. Вие одлучувате што значи поимот „предолго“: во зависност од поставката, алармот за вратата се активира по 1, 2 или 3 минути.

Во Sabbath, сите активности се запрени – ова важи и за електричните уреди. Liebherr го има ова предвид. Во SabbathMode, целото осветлување на ладилникот е исклучено, како и сите тонови, звуци и дисплејот. SabbathMode се деактивира по 80 часа.

Сакате замрзнатите бобинки да бидат свежи и крцкави по одмрзнувањето – а не згмечени? Полицата за замрзнување е идеална за ваква чувствителна храна: Наредете ги на пластичната полица – овошјето и билките замрзнуваат брзо и не се нагмечуваат. Полицата за замрзнување лесно се прикачува и вади од фиоката за замрзнување.

Ладните кутии нудат двојна корист – и во затворени простории и на отворено. Во замрзнувачот, тие ја чуваат замрзнатата храна ладна одредено време во случај да снема струја. А кога ќе одите на пикник ќе ви служат како ладилник за храна и пијалаци.

Удобност при извлекување и туркање: Фиоката нуди дополнителен простор. Кога ќе ја повлечете, нежно се лизга и држи на телескопските шини. На ист начин, лесно и тивко, ќе ја вратите назад.

Без разлика дали за порции или транспорт - и во двата случаи тоа е едноставно со лажицата за мраз од Liebherr. Благодарение на навалената положба на врвот и ергономската рачка, коцките мраз брзо и лесно излегуваат од вашиот IceTower во вашите пијалоци. Цврстата лажица за мраз направена од стабилна пластика, исто така, го радува окото со својата сатенирана површина во проѕирна глечерска зелена боја.

Дали, по неколку години, сакате да ја замените заптивката на вратата на Liebherr? Лесно ќе го направите ова сами: Заменливата заптивка на вратата може да се отстрани во неколку едноставни чекори, а и новата заптивка се мести исто толку лесно. Ова значи дека овој дел од фрижидерот е секогаш беспрекорен и хигиенски чист.

Без разлика дали еден до друг или еден врз друг: Имате можност да ги поставите вашите Liebherr апарати на модуларен начин, како што сакате. Комбинирајте го вашиот личен центар за свежина од фрижидер, замрзнувач, уред за вино или BioFresh со целосен капацитет. Типичен Liebherr квалитет: Посебната технологија во таванот и страничните ѕидови спречува кондензација помеѓу уредите - така што вашиот мебел е заштитен.

Опремата на вашиот Liebherr е двојно практична: Од една страна поддржува секојдневна употреба, а од друга страна лесно се чисти. Сакате да ги исчистите лесно отстранливите фиоки? Слободно ставете ги во машина за миење садови. На тој начин имате повеќе време за други работи.