ICBSd 5122 Plus BioFresh Комбинација за ладење и замрзнување со BioFresh и SmartFrost што може да се вгради

Пст – слушајте внимателно: Вашиот Liebherr е толку тивок што мора да ги начулите ушите за да го чуете. Како го постигнуваме ова? Сите компоненти за ладење – компресори, вентили, вентилатори и испарувачи се оптимизирани и совршено компатибилни едни со други. Па така, во вашата кујна ќе го слушате само она што сакате.

Таванското ЛЕД-осветлување ја осветлува внатрешноста одозгора – за добар преглед на вашата храна. Екстра осветлено: ЛЕД-диодите се поставени пред стаклените полици така што фрижидерот е добро осветлен дури и кога е полн.

Секоја храна има своја оптимална температура – без разлика дали е замрзната или разладена. Затоа, вашиот фрижидер со замрзнувач има посебни кола за ладење: Температурите во фрижидерот и замрзнувачот може да ги контролирате одделно. Во секоја ситуација, изберете ја температурата што е најдобра за вашата храна. Сосема едноставно и сигурно.

Досега, при чистење на фрижидерот, моравте да одлучувате: Да го исклучам за да заштедам струја? Или оставам вклучен за подобро да гледам со осветлувањето? CleaningMode ве ослободува од оваа дилема: Ладењето се исклучува, а осветлувањето останува вклучено. Со ова чистењето на Liebherr ќе биде релаксирано.

Дали сакате во исто време да штедите и енергија и пари? Liebherr знае дека сакате, затоа го вклучи режимот за заштеда на енергија. Кога го активирате EnergySaver, стандардната температура се зголемува за два степени. На вашиот Liebherr му треба уште помалку електрична енергија – а храната останува свежа.

Дали сакате да ја замрзнете вашата свежа храна така што ќе ги зачува витамините? Едноставно активирајте SuperFrost и замрзнувачот ќе го зголеми капацитетот на ладење. Ова ја одржува температурата константна кога ставате незамрзната храна во него. SuperFrost исто така заштедува енергија: Ако не ја деактивирате функцијата рачно, таа автоматски ќе се деактивира по 65 часа.

Осветлените екрани се магнет за децата – тоа го знае и Liebherr. Затоа, има опција за заклучување на екранот: Со неа се спречува ненамерно менување на поставките на вашиот фрижидер. Се разбира, постои можност за деактивирање на заклучувањето на екранот.

Сега гостите може да дојдат - затоа што и вашиот Liebherr е расположен за забава. Функциите како SuperCool и SuperFrost се активираат во PartyMode. По 24 часа, Liebherr автоматски се враќа на вообичаениот режим.

Вашиот Liebherr е вистински ангел чувар на храната: Во случај да снема струја, тој вклучува аларм. Алармот не само што е звучен, туку е и визуелен. Екранот ја покажува највисоката температура што е достигната во замрзнувачот. Но, никогаш нема да ве вознемирува непотребно: Ако не дојде до критично зголемување на температурата при краток прекин на струја, алармот останува исклучен.

Дали патувате? Ако е така, испратете го Liebherr на одмор: Во HolidayMode вентилаторот и SuperCool се исклучени и фрижидерот ја регулира температурата на +15°C. Ова заштедува електрична енергија, но сепак спречува непријатни мириси. Се разбира, замрзнувачот останува вклучен.

Сакате вашиот фрижидер да ја одржува оптималната температура, дури и кога ќе ставите продукти кои биле оставени на сонце? Во такви случаи на сцената се појавува SuperCool: Кога ќе се активира, Liebherr ги подобрува своите перформанси сè додека свежата храна не се излади како и останатата содржина. Кога ќе ја постигне целта, SuperCool се исклучува автоматски, но не подоцна од 12 часа.

Знаете што се случува често? Ставате шише вино во замрзнувачот, за брзо да се олади – и го заборавате. Со BottleTimer ова никогаш повеќе нема да се случи: Со активирање на SuperFrost, се обезбедува дополнително брзо ладење. И штом шишето има идеална температура, Lieberr ќе ве потсети преку апликацијата да го извадите од замрзнувачот.

Алармот за вратата на Liebherr гарантира дека не користите непотребна енергија и не ја расипувате храната: Веднаш штом вратата на ладилникот ќе остане предолго отворена, таа ќе ве предупреди – со пулсирачко светло и со предупредувачки тон. Вие одлучувате што значи поимот „предолго“: Во зависност од поставката, алармот за вратата се активира по 1, 2 или 3 минути.

Во Sabbath, сите активности се запрени – ова важи и за електричните уреди. Liebherr го има ова предвид. Во SabbathMode, целото осветлување на ладилникот е исклучено, како и сите тонови, звуци и дисплејот. SabbathMode се деактивира по 80 часа.

Во замрзнувачот, храната е безбедна дури и во случај на дефект: Алармот за температура ве предупредува штом температурата достигне критично ниво. Алармот е и звучен и визуелен. Екранот покажува колку е зголемена температурата. Се разбира, може рачно да го исклучите алармот.

Мирисот на некои јадења е помалку пријатен. Но, тоа не е проблем за вашиот Liebherr: Благодарение на филтерот FreshAir со активен јаглен, секогаш има свеж воздух во внатрешноста. Филтерот се наоѓа веднаш до протокот на воздух во куќиштето на вентилаторот и во голема мера ги неутрализира мирисите. Екранот ве потсетува да го смените филтерот.

Дали сакате безбедно да чувате јајца во вашиот фрижидер, без кутија? Нема да имате проблем со полицата за јајца: Може да ставите до 10 пилешки јајца, кои ќе бидат добро заштитени и изладени. Полицата се вклопува и на внатрешната врата и на стаклените полици.

Коцките мраз што ѕвечкаат во чашата секогаш будат задоволство. Затоа садот за коцки мраз во замрзнувачот е неопходна класика. Со садот за коцки мраз во вашиот Liebherr, ќе добивате до 21 коцка мраз. Големината на коцките ја одредувате сами според количината на вода.

Удобност при извлекување и туркање: Фиоката нуди дополнителен простор. Кога ќе ја повлечете, нежно се лизга и држи на телескопските шини. На ист начин, лесно и тивко, ќе ја вратите назад.

Сакате безбедно да чувате повеќекатна сладолед торта до летната забава? Тоа не претставува никаков проблем за вашиот Liebherr фрижидер: Тој знае дека понекогаш едноставно ви треба само повеќе простор. Благодарение на VarioSpace, можете едноставно да ги отстраните индивидуалните фиоки на замрзнувачот и стаклените полици одоздола - и voilà: еве ви дополнителен висок простор за складирање!

Дали, по неколку години, сакате да ја замените заптивката на вратата на Liebherr? Лесно ќе го направите ова сами: Заменливата заптивка на вратата може да се отстрани во неколку едноставни чекори, а и новата заптивка се мести исто толку лесно. Ова значи дека овој дел од фрижидерот е секогаш беспрекорен и хигиенски чист.

Без разлика дали еден до друг или еден врз друг: Имате можност да ги поставите вашите Liebherr апарати на модуларен начин, како што сакате. Комбинирајте го вашиот личен центар за свежина од фрижидер, замрзнувач, уред за вино или BioFresh со целосен капацитет. Типичен Liebherr квалитет: Посебната технологија во таванот и страничните ѕидови спречува кондензација помеѓу уредите - така што вашиот мебел е заштитен.