MONOLITH - Ftohja dhe ngrirja në dimensione të reja

Produkte cilësore prej më shumë se 60 vjetësh

Cilësi e jashtëzakonshme. Dizajn i pakushtëzuar nga koha. Inovacione të pashoqe. Në sferën e ftohjes dhe të ngrirjes, "Liebherr" është një emër i njohur në mbarë botën për produktet e jashtëzakonshme dhe gamën më gjithëpërfshirëse të produkteve.

Kjo kompani nën menaxhim familjar prodhon çdo vit më shumë se 2,1 milionë frigoriferë ftohës dhe ngrirës për përdorim në sferën familjare dhe profesionale. Kështu që pajisje e veçantë zhvillohet dhe prodhohet me pretendimin që ajo të jetë pajisja më e mirë në botë.

Karakteristikat fleksibël

Çdo frigorifer "Monolith" është i pajisur me një FlexSystem. Ky sistem organizimi praktik për përdoruesin i ndan ushqimet në ruajtje në mënyrë krejt fleksibël në ndarjen e preferuar "BioFresh".

Theksin e duhur atij ia jep "InfinityBeam": Falë ndriçimit LED, të gjithë sirtarët e ndarjes "BioFresh" rrezatojnë me dritë të shndritshme – edhe kur janë të mbyllur. Kështu, të dyja këto detaje kujdesen në çdo kohë për pamjen perfekte.

Njëlloj të freskëta si në ditën e parë

Parimi i ndarjes "BioFresh" është i thjeshtë: Me temperaturën paksa mbi 0°C dhe nivelin e rregullueshëm të lagështisë së ajrit, vitaminat e shëndetshme, aromat dhe pamja oreks ndjellëse e ushqimeve ruhen për kohë më të gjatë sesa në frigoriferët e zakonshëm. Sirtarët e ndarjes "BioFresh" janë të pajisur me një komandim të pavarur të klimës.

Te "HydroSafe", frutat dhe perimet ndihen veçanërisht mirë me nivelin e lartë të lagështisë së ajrit, ndërkohë që produktet e mishit dhe të qumështit janë në duar më se të sigurta në ndarjen "DrySafe" me nivel të ulët të lagështisë së ajrit. Sipas rastit, të dyja këto ndarje mund të përdoren edhe me të njëjtin rregullim të temperaturës. Sirtari i tretë i "Monolith" shkon edhe një hap përpara me kasetën Fish & Seafood: Këtu mundësohen temperatura deri në -2°C – që janë ideale për ruajtjen e peshkut të freskët dhe të frutave të detit. Në këtë ndarje mund të ftohen gjithashtu shumë shpejt edhe pijet, në mënyrë që ato të serviren gjithmonë të ftohta akull.

Freski në çdo nivel

Në të gjitha produktet e tij "Liebherr" i kushton një rëndësi të madhe lehtësisë praktike për përdoruesin dhe efiçencës së pajisjes. Pikërisht për këtë arsye "Monolith" ka sistemin me performancën më të lartë të mundshme "PowerCooling". Përveç teknologjive "SuperCool" dhe "SuperFrost" për ftohjen dhe ngrirjen e shpejtë të ushqimeve, konstruksioni inovativ i versionit "Monolith" lejon qarkullimin e ajrit të ftohtë në të gjithë hapësirën e brendshme. Kështu që edhe produktet e tjera të vendosura në ruajtje te dera ftohen njëlloj si të gjitha ushqimet e tjera.

Filtri i integruar me karbon aktiv "FreshAir" parandalon formimin e aromave dhe pastron ajrin që futet brenda, në mënyrë që gjithçka të ndihet aq e freskët dhe tërheqëse siç duket nga jashtë.

Forca qëndron te qetësia

"Monolith" mrekullon edhe me funksionimin e tij me nivel zhurme veçanërisht të ulët. Por qetësia nuk duhet ngatërruar me dobësinë – por është krejt e kundërta. Në varësi nga madhësia e "Monolith", kapaciteti mbajtës i menteshave të dyerve arrin deri në 36 kg. Kjo e bën "Monolith" një kullë force që mund të përballojë çdo lloj përmbajtjeje. Menteshat mundësojnë një kënd hapjeje prej 115° dhe mbyllen vetë automatikisht në një kënd nën 30°. Ato mbyllen gjithashtu lehtë edhe falë sistemit të integruar të mbylljes së butë "SoftSystem" – në mënyrë që nga vakti tjetër në mesnatë të mos zgjohet e gjithë shtëpia.

E lë prapa epokën e akullit

Shumë frigoriferë ngrirës duket se janë projektuar në epokën e akullit. Krejt e kundërta ndodh te "Monolith", i cili përveç ndarjeve inovative në pjesën e ngrirjes ka shumë hapësirë për të ofruar te dera. Dizajni unik i zonës së ngrirjes kujdeset që ajri i ftohtë të mund të qarkullojë lirisht. Si rezultat, temperatura mbetet konstante, gjë e cila optimizon ruajtjen e ushqimeve. Raftet mbajtëse transparente në derën e frigoriferit mund të zhvendosen gjithashtu në mënyrë të pavarur, dhe ofrojnë hapësirë të mjaftueshme për artikujt e vegjël deri në mesatarë. Kështu mbetet gjithmonë hapësirë e lirë në ndarjet e brendshme, për të vendosur ushqime më të mëdha. Përveç kësaj, veshja e integruar prej inoksi në pjesën e brendshme të derës kontribuon për një ftohje më të njëtrajtshme – dhe duket gjithashtu edhe mjaft elegante!

Madhështi e vërtetë – edhe nga brenda

Raftet e forta dhe elegante të derës ofrojnë më shumë hapësirë dhe fleksibilitet. Edhe shishet e mëdha dhe enët e pijeve prej disa litrash gjejnë një vend te dera. Në këtë mënyrë raftet e lëvizshme prej xhami sigurie në hapësirën e brendshme mbeten krejtësisht të lira për të gjitha ushqimet e tjera – që nga pjatat e vakteve të vogla e deri te sallatat e përgatitura të freskëta në tasa të mëdhenj. Dhe meqë raftet e lëvizshme me rregullim të lartësisë ofrojnë më shumë hapësirë për ruajtje si në hapësirën e brendshme, ashtu edhe te dyert, hapësira në dispozicion mund të shfrytëzohet në mënyrë më të mirë.

I ftohtë akull i menduar në detaj

Vit pas viti, mijëra tonelata ushqime prishen për shkak të djegies së frigoriferit, luhatjeve të temperaturës dhe problemeve të tjera me ruajtjen e ushqimeve. Por megjithatë, sistemi "FrostSafe" i "Monolith" ka sirtarë të mbyllur nga të gjitha anët e të heqshëm në ndarjen e ngrirjes, të cilët mbrojnë ushqimet në ngrirje nga shkëmbimi i padëshiruar i ajrit dhe nga humbja e ajrit të ftohtë kur hapet dera. Përveç kësaj, sirtarët e "FrostSafe" janë transparentë dhe të pajisur me shina teleskop. Për shikueshmëri dhe pamje perfekte.