Frigoriferi si objekt i dizajnit
Kuzhinat e hapura kërkojnë pajisje me dizajn, që mund të integrohet me ambientin.
Prej kohësh stili i jetesës nuk lidhet më vetëm me modën, aksesorët, udhëtimet dhe makinat. Gjithnjë e më shumë, edhe pikëpamja për gatimin dhe ngrënien po shndërrohet në një aktivitet të rëndësishëm për familjen ose shoqërinë. Kështu, në shumë familje kuzhina nuk është më vetëm një vend për përgatitjen e ushqimit, por përkundrazi gjithnjë e më shumë një vend takimi. Këtu mund të hash dhe të takohesh e diskutosh me miqtë – madje dhe shumë festa organizohen në kuzhinë.
Si pajisje inkaso ose me qëndrim të pavarur: pajisjet Liebherr frymëzojnë përveç pjesës së brendshme inovative, edhe me pjesën e jashtme të cilësisë së lartë. Ne i zhvillojmë vetë të gjitha dizajnet, në qendra zhvillimi me pajisje moderne në vende të ndryshme prodhimi. Në zhvillimin e teknologjive të reja, gjatë fazës së projektimit në qendër të vëmendjes janë edhe dëshirat dhe kërkesat e klientëve tanë.
Çmimet dhe vlerësimet
Pajisjet tona vlerësohen vazhdimisht për cilësinë e lartë të dizajnit dhe forcën e inovacionit. Lista shtrihet nga "reddot award" te "Plus X Award", "den iF product design award" dhe "interior innovation award" deri te "KüchenInnovationspreis" nga "Initiative Lifecare".
Vizionet e dizajnit me impulsin e kohës
Zhvillimi i dizajnit dhe i produkteve qëndron gjithmonë në kontekstin e zhvillimeve sociale dhe shoqërore. Tendencat aktuale, si individualizimi, pritshmëritë më të larta për jetesën, ndërgjegjësimi për shëndetin, lëvizshmëria, lidhja në rrjetet dixhitale dhe urbanizimi i japin formë nevojave të konsumatorëve tanë dhe më pas integrohen në zhvillimin e produkteve.
Instalacionet me dritë të "CoolVision" nxjerrin në pah efektet e mahnitshme që mund të krijojë drita.
CoolVision – me vështrimin nga e ardhmja
Besohet se frigoriferi e ka të përcaktuar funksionin e tij: të ofrojë teknologji novatore për ftohje dhe ngrirje, që përmirësohen vazhdimisht me kalimin e kohës. Zhvillimi i ideve kyçe për të ardhmen kërkon që të kesh vizion. Gama "CoolVision" e Liebherr përbën qasjen lozonjare dhe eksperimentimin me ngjyrat, formën dhe materialet, si dhe për bashkëpunimin me projektuesit, artistët dhe talentet e reja premtuese. Inovacioni i mirëfilltë lind nga fleksibiliteti dhe gatishmëria për ta parë teknologjinë dhe materialet nga një pikëpamje tjetër. Bazuar mbi këtë kuptim, ne zhvillojmë ide dhe studime dizajni dhe i paraqesim ato në panairet tregtare, si p.sh. IFA ose "Futura".
Eksperimentimi me materialet: prototip i rinovuar i realizuar me beton
Testimi i dizajnit
Produktet Liebherr e ruajnë vlerën e tyre në mënyrë të veçantë. Për të plotësuar standardet tona të larta të cilësisë, ne e vlerësojmë çdo dizajn kundrejt përdorimit dhe kënaqësisë së përdoruesit për klientët tanë. A i pëlqen pajisja përdoruesit? A është dizajni me tendencat aktuale dhe a është në gjendje t'i rezistojë kohës? A është materiali i përshtatshëm për përdorimin e përditshëm? Përpara se një pajisje të futet në prodhimin në seri, dizajni dhe çdo komponent i saj i nënshtrohet një sërë testesh. Në përfundim, pajisjet tona prodhohen jo vetëm tërheqëse në aspektin vizual dhe me materiale të cilësisë së lartë, por janë gjithashtu të përshtatshme për përdorime të përditshme, të lehta për t'u pastruar dhe përdoren në mënyrë intuitive.
Doreza e patentuar ndërthur funksionalitetin praktik me dizajnin tërheqës.
Asnjë kompromis deri në detajin më të vogël
Qoftë pajisje e kombinuar apo kompakte: ne i kushtojmë rëndësi detajeve të vogla por vendimtare – kjo vlen për teknologjinë dhe për dizajnin. Një shembull i konfliktit pa kompromis midis përdorimit dhe dizajnit: doreza e patentuar. Këtu bashkohen forma dhe funksioni. Doreza prej inoksi është jashtëzakonisht ergonomike; mekanizmi inteligjent lehtëson hapjen e derës së frigoriferit. Në mënyrë që inoksi të ruajë efektin e tij të çmueshëm të dizajnit, ne ofrojmë me "SmartSteel" një përpunim të veçantë të sipërfaqes që e mbron inoksin nga shenjat e gishtave dhe bën veçanërisht të lehtë pastrimin e tij.
Komoditeti
Në zhvillimin e frigoriferëve ftohës dhe ngrirës Liebherr fokusohet në nevojat e klientëve. Rezultati i kësaj qasjeje janë pajisjet komode që lehtësojnë jetën e përditshme. Funksione komode
Video
Loja me strukturën dhe ngjyrën
Liebherr nxjerr rregullisht në treg "DesignEdition" që ndër të tjera karakterizohen nga sipërfaqet dhe materialet e veçanta. Të gjitha këto edicione integrohen në hapësirën e ndenjjes falë dizajnit të tyre klasik dhe të pakushtëzuar nga koha, dhe bëjnë diferencën nëpërmjet ngjyrës, formës dhe materialit.
Edicionet e dizajnit nga Liebherr
BlackSteel Çelik i zi
Me "BlackSteel", Liebherr ka krijuar një interpretim modern të kanatit klasik prej inoksi. Modelet karakterizohen nga ngjyrimi i dukshëm në ngjyrë të zezë dhe struktura e veçantë e sipërfaqes. Efekti i thurjes tërthore krijon një impakt vizual të mrekullueshëm dhe i jep pajisjes një pamje krejtësisht të veçantë. Doreza e patentuar Liebherr me mekanizmin e integruar të hapjes është realizuar e plotësuar me alumin në edicionin "BlackSteel". Dizajni dhe teknologjia janë vlerësuar me shumë çmime.
GlassEdition Kanate prej xhami elegant të satinuar
Me ngjyrën e bardhë të pastër ose të zezën elegante, kanatet pasqyrë të "GlassEdition" janë prodhuar me xham të stampuar nga prapa. Materiali i jep pajisjes jo vetëm një pamje të veçantë, por sipërfaqja gjithashtu pastrohet lehtë dhe është rezistente ndaj gërvishtjes. Për të ruajtur efektin e pamjes së kanatit prej xhami si sipërfaqe reflektuese ne e kemi pozicionuar anash shiritin e dorezës. Versioni në ngjyrë të zezë harmonizohet në mënyrë të veçantë me sipërfaqet puriste prej inoksi dhe kuzhinën në ngjyrë gri dhe të zezë. Modelet në ngjyrë të bardhë bëjnë kontrast me kuzhinat e drurit.
ColourEdition Paletë ngjyrash frymëzuese
Në pjesëmarrjen e tij në "IFA 2014", Liebherr prezantoi për herë të parë në formën e prototipave "ColourEdition" me një gamë të madhe ngjyrash, nga ngjyrat më të gjalla deri tek ato më delikatet. Vizitorët zgjodhën të preferuarat e tyre. Fituese: pajisjet me qëndrim të pavarur në ngjyrë blu uji, jeshile avokadoje dhe e kuqe zjarri; tani këto pajisje janë në shitje në treg dhe i japin një kolorit ngjyrash kuzhinës dhe ambientit të ndenjjes.
Klasike Variantet e ngjyrimit
Nisur nga ideja bazë për ta kthyer kuzhinën në një mjedis ndenjeje, po del jashtë qarkullimit trendi për të përdorur pajisje krejtësisht të bardha. Liebherr e ka marrë në konsideratë këtë zhvillim dhe i prodhon pajisjet e tij në inoks dhe "BlackSteel". Frigoriferët tanë për verën i gjeni në ngjyrat "terra me shkëlqim", "Bordeaux e kuqe intensive" ose "e zezë mat". Në disa vende, mund të gjeni kombinime ftohës-ngrirës si pajisje me qëndrim të lirë edhe me shkëlqim të zi ose argjend.
Më shumë se vetëm një frigorifer
Një pikë tërheqëse funksionale: kush e percepton kuzhinën si një ambient të hapur, atëherë ai pret nga frigoriferi i tij që të harmonizohet me ambientin e ndenjjes. Këtë e konstatojmë edhe ne me të drejtë, dhe në projektimin e produkteve marrim parasysh efektin e pajisjes në kombinim me materialet, format dhe raportet e madhësisë. Rezultat i kësaj qasjeje janë pajisjet që pasurojnë ambientin me konceptin e ndriçimit të balancuar, materialet e cilësisë së lartë dhe dizajnin e harmonizuar.
Modelet Side-by-Side janë një shprehje e dizajnit dhe që harmonizohen me kuzhinat me kanate ngjyrë gri.
Efekti i ndriçimit në pjesën e brendshme
Drita në hapësirën e brendshme shërben për ndriçimin uniform brenda pajisjes. Prandaj ne kemi zhvilluar një koncept të veçantë ndriçimi që ka një dritë më të këndshme sesa ndriçuesit LED të zakonshëm dhe që është integruar në ndarjen e brendshme duke kursyer vend. Ushqimet e vendosura në ruajtje shfaqen me një ndriçim të këndshëm. Në pajisjet që janë me dyer me xham, ndriçimi i brendshëm mund të përshtatet gjithashtu dhe të përdoren si ndriçim ambienti që krijon atmosferë.
Pajisja prej inoksi qëndron në kontrast me banakun e kuzhinës të lyer me të bardhë dhe dyshemenë me parket druri.
Pajisjet me madhësi të veçanta
Hapësirë shtesë për mbajtjen e pijeve dhe kushtet optimale të ruajtjes për purot e sigurojnë pajisjet tona kompakte. Si pajisje me qëndrim të lirë apo me montim në mur: ato janë projektuar në mënyrë të tillë që të integrohen si mobilie me funksionin e ftohjes në arredimin e shtëpisë. Në kontrast të fortë me këto janë në anën tjetër modelet voluminoze Side-by-Side prej inoksi. Ai ndërthur inovacionin teknik me linjat elegante. Dera transparente prej xhami e ndarjes së integruar për mbajtjen e verës krijon një thyerje të kanateve prej inoksi dhe bën një kontrast elegant. Një dizajn tjetër unik për kuzhinat dhe sallonet e mëdha është modeli francez me dy dyer. Me kasetat e mëdha me doreza dhe dyert me dy kanate që hapen nga jashtë ai mbart teknologjinë moderne brenda ambientit.
Raftet prej drurit natyral të ahut i japin formë karakteristikave të brendshme të frigoriferëve për verën.
Materiale natyrale në hapësirën e brendshme
Lëndët e para si druri, jo vetëm që janë jashtëzakonisht rezistente, por sigurojnë gjithashtu edhe një ambient të këndshëm. Prandaj ne i përdorim ato në hapësirën e brendshme të pajisjeve me dyer me xham. Në frigoriferët për verën, vera e kuqe, e bardhë dhe rozë mbahet mbi raftet prej druri natyral të ahut. Druri i kedrit spanjoll garanton kushtet optimale të ruajtjes te "Humidor". Te frigoriferët ftohës dhe ngrirës një pjesë e madhe e hapësirës së brendshme përbëhet nga xham sigurie rezistent ndaj gërvishtjeve dhe goditjes, i cili mund të lahet në lavastovilje.
Pajisjet kompakte
Puro ekskluzive, verëra elitare, pije freskuese të ftohta - pajisjet kompakte Liebherr ofrojnë hapësirën ideale për kënaqësi të plotë në shijim. Pajisjet kompakte
