Arsyet e duhura
Kush kërkon cilësinë më të lartë nuk duhet të bëjë asnjë kompromis. Ne te Liebherr shfrytëzojmë përvojën tonë për të garantuar produkte të cilësisë më të lartë - dhe këtë e kemi bërë prej më shumë se 60 vjetësh. Gama e madhe e pajisjeve për shumë fusha përdorimi mahnit me përdorimin intuitiv, efiçencën e energjisë, dizajnin klasik dhe funksionet e shumta praktike, të cilat kujdesen për ruajtjen e freskisë dhe të cilësisë së ushqimeve dhe kontribuojnë për një stil jetese të shëndetshëm dhe modern.
Një rëndësi të madhe në projektimin dhe zhvillimin e pajisjeve ka për ne edhe qëndrueshmëria dhe përgjegjshmëria ndaj mjedisit, gjë e cila provohet edhe me vlerësimet e rëndësishme dhe certifikatat që kemi marrë në këtë fushë. Ka shumë arsye të mira për të zgjedhur një pajisje Liebherr – kur do ta merrni vendimin e drejtë dhe të duhur?
Si specialistë për pajisjet ftohëse dhe ngrirëse, prej më shumë se 60 vjetësh ne zhvillojmë dhe prodhojmë në mënyrë të vazhdueshme zgjidhje dhe produkte inovative dhe bindëse. Besimi i klientëve tanë është shtysa jonë e përditshme që të vazhdojmë më tej punën për prodhimin e produkteve të cilësisë së lartë. Kur bëhet fjalë për blerjen e pajisjeve të reja, asnjë prodhues tjetër në fushën e pajisjeve të mëdha elektroshtëpiake nuk ka kaq shumë klientë besnikë të markës së preferuar sa Liebherr.
Për të garantuar besueshmërinë e të gjitha produkteve, Liebherr përdor vetëm komponentët dhe materialet më cilësore për prodhimin e pajisjeve. Çdo pajisje testohet intensivisht për cilësinë dhe funksionalitetin e saj që në procesin e prodhimit. Falë zhvillimit të vazhdueshëm të pajisjeve, optimizimit të të gjithë komponentëve dhe trajtimit të tyre deri në detaje, ne mund të garantojmë me bindje të plotë cilësinë e vërtetuar të Liebherr.
Garantimi i cilësisë te Liebherr
Materiale cilësore dhe forma klasike - falë kësaj ndërthurjeje unike frigoriferët tanë ftohës dhe ngrirës përmbushin kërkesat më të larta për dizajnin. Ndërthurja e përdorimit të inoksit cilësor me sistemet precize elektronike të komandimit dhe dizajni i sofistikuar garantojnë një elegancë të pakushtëzuar nga koha që nuk resht së frymëzuari - pavarësisht nëse pajisja është e kategorisë "Comfort" ose "Premium".
Dizajni special
Instalimi i pajisjeve tona është shumë i thjeshtë: Ne garantojmë një instalim të sigurt dhe të qëndrueshëm të frigoriferit në mobilien e kuzhinës. Kështu sigurohet që pajisja të funksionojë në mënyrë të përkryer, dera të mbyllet në mënyrë optimale dhe që të arrihet performanca ideale e ftohjes.
Pajisjet shtëpiake inkaso
"Përgjegjësia është e jona": Puna jonë me këtë parim themelor të Liebherr nis që nga konceptimi i frigoriferëve tanë ftohës dhe ngrirës. Për këtë arsye, në pajisjet tona ne përdorim komponentë të cilësisë më të lartë për të garantuar jo vetëm një jetëgjatë të madhe dhe funksionim të sigurt të tyre, por edhe efiçencën më të mirë të energjisë dhe efiçencën më të lartë në shfrytëzimin e burimeve. Ne jemi të përkushtuar për praktikat e përgjegjshme të biznesit për punonjësit tanë, mjedisin dhe shoqërinë në të gjitha nivelet dhe përgjatë gjithë zinxhirit të vlerës – nga faza e blerjes së materialeve deri në atë të riciklimit. Po ashtu, ne i certifikojmë të gjitha vendndodhjet tona sipas standardeve ndërkombëtare ISO për cilësinë, mjedisin dhe energjinë, dhe jemi të orientuar drejt standardeve ndërkombëtare sociale.
Paralelisht me "Objektivat për Zhvillimin e Qëndrueshëm të Kombeve të Bashkuara", kompania Liebherr-Hausgeräte GmbH që prej vitit 2015 e ka sanksionuar përkushtimin e saj në nivel strategjik nëpërmjet "Direktivave për zhvillimin ekonomik të qëndrueshëm", për veprimet e saj në mënyrë të përgjegjshme. Për kompaninë Liebherr-Hausgeräte GmbH nuk ka dyshim se industria dhe ekonomia duhet të japin kontributin e tyre për realizimin e axhendës së zhvillimit të qëndrueshëm, për të arritur së bashku bazën për një jetesë të denjë të shoqërisë.
Nëpërmjet përdorimit të sistemeve elektronike më moderne të kombinuara me sistemet e ftohjes me efiçencë të lartë, Liebherr ofron në të gjitha grupet e produkteve një program atraktiv dhe që kursen energji, në klasat më të mira të efiçencës së energjisë. Kjo mbron mjedisin dhe është e mirë edhe për xhepin.
Teknologjia "BioFresh" nga Liebherr garanton klimën e përkryer për freski super të gjatë. Me temperaturën pak mbi 0°C dhe nivelin ideal të lagështisë, frutat dhe perimet, mishi, peshku dhe produktet e qumështit i ruajnë vitaminat e shëndetshme, aromën delikate dhe pamjen oreks ndjellëse për kohë më të gjatë sesa në ndarjen e zakonshme të ftohjes.
Ruajtja e përkryer e ushqimeve
Jo më shkrirje: pajisjet tona me funksionin "NoFrost" ofrojnë performancë ftohjeje të nivelit profesional për ruajtjen afatgjatë e të sigurt të ushqimeve. Produktet ngrijnë nga qarkullimi i ajrit të ftohur dhe lagështia e ajrit largohet. Si rezultat ndarja e ngrirjes mbetet gjithmonë pa zënë akull dhe ushqimet nuk mbulohen më nga akulli.
Cilësia e shkëlqyer e produktit dhe dizajnit e pajisjeve tona konfirmohet gjithnjë e më shumë nga institucionet e pavarura. Kështu për shembull, në kuadër të "Plus X Award" Liebherr u zgjodh si "Marka tregtare e specializuar e vitit 2012". Edhe fondacioni "Stiftung Warentest" i vlerëson gjithnjë rregullisht pajisjet tona me nota shumë të mira.
Vlerësimet për pajisjet Liebherr
Kur bëhet fjalë për frigorifer ftohës apo ngrirës me qëndrim të pavarur, pajisje inkaso apo për montim nën banak ose për ftohje, ngrirje apo ndonjë kombinim të këtyre të dyjave – me portofolin e produkteve që përmban mbi 200 modele, Liebherr ofron zgjidhjen e përkryer të ftohjes pothuajse për çdo dëshirë të klientëve.
