IRCBf 5121 Plus BioFresh Интегрирачки вградлив ладилник со долна преграда и BioFresh

За брз преглед на фрижидерот: Благодарение на страничното ЛЕД-осветлување од двете страни, вашата храна секогаш е на повидок. ЛЕД-диодите се поставени така што големиот фрижидер ќе биде осветлен и кога има храна во него. И бидејќи ЛЕД-диодите се вградени во страничните ѕидови, корисната површина е целосно слободна.

Продуктите како што се компири или пијалаци чувајте ги во „подрумот“ на вашиот Liebherr. Во него има отстранлива корпа, полица и фиока. Подрумската преграда се извлекува нежно на телескопските шини и се затвора со автоматско меко затворање. Температурата може да се регулира помеѓу 6 и 14°C – во зависност од видот на храната.

Досега, при чистење на фрижидерот, моравте да одлучувате: Да го исклучам за да заштедам струја? Или оставам вклучен за подобро да гледам со осветлувањето? CleaningMode ве ослободува од оваа дилема: Ладењето се исклучува, а осветлувањето останува вклучено. Со ова чистењето на Liebherr ќе биде релаксирано.

Дали сакате во исто време да штедите и енергија и пари? Liebherr знае дека сакате, затоа го вклучи режимот за заштеда на енергија. Кога го активирате EnergySaver, стандардната температура се зголемува за два степени. На вашиот Liebherr му треба уште помалку електрична енергија – а храната останува свежа.

Слободно пречекувајте гости затоа што и вашиот Liebherr е расположен за забава: Веднаш штом ќе вклучите PartyMode, фрижидерот подготвува ладни пијалаци и дополнителни коцки мраз. Во PartyMode се активираат функциите SuperCool и максимално производство на мраз. По 24 часа, Liebherr автоматски се враќа на вообичаениот режим.

Осветлените екрани се магнет за децата – тоа го знае и Liebherr. Затоа, има опција за заклучување на екранот: Со неа се спречува ненамерно менување на поставките на вашиот фрижидер. Се разбира, постои можност за деактивирање на заклучувањето на екранот.

Вашиот Liebherr е вистински ангел чувар на храната: Во случај да снема струја, тој вклучува аларм. Алармот не само што е звучен, туку е и визуелен. Екранот ја покажува највисоката температура што е достигната во замрзнувачот. Но, никогаш нема да ве вознемирува непотребно: Ако не дојде до критично зголемување на температурата при краток прекин на струја, алармот останува исклучен.

Дали патувате? Ако е така, испратете го Liebherr на одмор: Во HolidayMode вентилаторот и SuperCool се исклучени и фрижидерот ја регулира температурата на +15°C. Ова заштедува електрична енергија, но сепак спречува непријатни мириси. Се разбира, замрзнувачот останува вклучен.

Сакате вашиот фрижидер да ја одржува оптималната температура, дури и кога ќе ставите продукти кои биле оставени на сонце? Во такви случаи на сцената се појавува SuperCool: Кога ќе се активира, Liebherr ги подобрува своите перформанси сè додека свежата храна не се излади како и останатата содржина. Кога ќе ја постигне целта, SuperCool се исклучува автоматски, но не подоцна од 12 часа.

Алармот за вратата на Liebherr гарантира дека не користите непотребна енергија и не ја расипувате храната: Веднаш штом вратата на ладилникот ќе остане предолго отворена, таа ќе ве предупреди – со пулсирачко светло и со предупредувачки тон. Вие одлучувате што значи поимот „предолго“: Во зависност од поставката, алармот за вратата се активира по 1, 2 или 3 минути.

Во Sabbath, сите активности се запрени – ова важи и за електричните уреди. Liebherr го има ова предвид. Во SabbathMode, целото осветлување на ладилникот е исклучено, како и сите тонови, звуци и дисплејот. SabbathMode се деактивира по 80 часа.

Без разлика дали се работи за канчиња јогурт, тегли џем или туби – дали сакате посебно место за ваква храна во мали пакувања? Веќе го имате во Liebherr: VarioSafe. Не само што создава ред, туку е и многу прилагодлив. Едноставно, ставете го VarioSafe, кој има два степена на прилагодлива висина, кај што најмногу ви одговара во фрижидерот.

Мирисот на некои јадења е помалку пријатен. Но, тоа не е проблем за вашиот Liebherr: Благодарение на филтерот FreshAir со активен јаглен, секогаш има свеж воздух во внатрешноста. Филтерот се наоѓа веднаш до протокот на воздух во куќиштето на вентилаторот и во голема мера ги неутрализира мирисите. Екранот ве потсетува да го смените филтерот.

Дали сакате безбедно да чувате јајца во вашиот фрижидер, без кутија? Нема да имате проблем со полицата за јајца: Може да ставите до 10 пилешки јајца, кои ќе бидат добро заштитени и изладени. Полицата се вклопува и на внатрешната врата и на стаклените полици.

Коцките мраз што ѕвечкаат во чашата секогаш будат задоволство. Затоа садот за коцки мраз во замрзнувачот е неопходна класика. Со садот за коцки мраз во вашиот Liebherr, ќе добивате до 21 коцка мраз. Големината на коцките ја одредувате сами според количината на вода.

Удобност при извлекување и туркање: Фиоката нуди дополнителен простор. Кога ќе ја повлечете, нежно се лизга и држи на телескопските шини. На ист начин, лесно и тивко, ќе ја вратите назад.

Дали, по неколку години, сакате да ја замените заптивката на вратата на Liebherr? Лесно ќе го направите ова сами: Заменливата заптивка на вратата може да се отстрани во неколку едноставни чекори, а и новата заптивка се мести исто толку лесно. Ова значи дека овој дел од фрижидерот е секогаш беспрекорен и хигиенски чист.

Ако вашиот Liebherr го вградувате во мебел, не сакате да губите време за промена на шарките на вратата на замрзнувачот? Благодарение на лизгачот, тоа ќе го направите за само неколку секунди без да ви требаат мајсторски вештини. Само лизнете го регулаторот на замрзнувачот од десно кон лево – готово. Ова ќе ви заштеди многу време.